Велосипедисти, планинари, рекреативци од Струмица, Валандово, Демир Капија ноќно се искачуваа до Цареви Кули каде се забавуваа до ДЈ Циге

426

Синоќа се одржа шестиот настан од Струмица ОПЕН фестивал. Дел од ноќното искачување до локалитетот „Цареви кули“ беа 60 велосипедисти и 100 пешаци. Двете групи ги предводеа членовите на Здружението „Југоисток“ од Струмица и Валандово кои се ко-организатори и основачи на настанот, а присутни беа членови на Црвен крст, велосипедистите од ВК „Актив“ – Струмица, Спортски клуб „Клисура“ – Демир Капија и други рекреативци и планинари. 

Горе пак, на 445 метри надморска височина, рекреативците ги пречека DJ Циге чиј сет совршено ја дополни прекрасната глетка кон ѕвездениот град. Настанот имаше и едукативен дел со цел запознавање со историјата на локалитетот „Цареви кули“.

„Мистериите на Беласица“ ќе биде последниот спортски настан од програмата на Струмица ОПЕН фестивал кој ќе се одржи викендов од 29-30 јуни. Се очекува присуство на 200 планинари и велосипедисти, а пријавувањето е сè уште во тек.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.