Василево почна да го уредува поројот во Градашорци, со камен ќе бидат обложени 680 метри од речниот канал (фото)

183

Деновиве општина Василево почна со уредување на поројот во населеното место Градашорци односно средување на речниот канал кој поминува низ самото село. Како што објавија од општината ќе бидат опфатени околу 680 метри при што почна да се работи од влезот на Градашроци од кај Едрениково каде што екипи на компанијата Жикол почнаа со изведба односно расчистување уредување и обложување на коритото со природен камен.

,,Планираните активности опфаќаат уредување на поројот (речното корито) во делот кој минува низ опфатот на селото во должина од 680 метри. Коритото ќе биде обложено со камен а за премостување прердвидена е изведба на армирани плочасти пропусти односно бетонски мостови. Со реализацијата на овој проект ќе се реши проблемот со поплавување на домаќинствата и објектите, како и оштетувањата на постојниот асфалт покрај речното корито, кои при обилни врнежи најчесто страдаат поради излевањето на водата од коритото,, објави градоначалникот на Василево Марјан Јанев кој изврши увид на градежните работи 

Средствата за реализација на овој проект, општина Василево ги обезбеди од сопствениот Буџет но и од Министерството за животна средина. Имено целиот проект чини 120 илјади евра од кои општината 105 илјади евра доби од Програмата за управување со водите за 2020 година при Министерство за животна средина и просторно планирање. Согласно предвидената динамика поројот комплетно треба да биде завршен во наредните два месеци

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.