Ване Милков ќе ја води Беласица и во Првата лига – Ќе дадеме се од себе ,,синобелите’’ да останат во елитата

1562

Струмичка Беласица во Првата фудбалска лига ќе ја предводи досегашниот шеф на стручниот штаб Ване Милков. Ова го објави повратникот во елитата ФК Беласица на својата ФБ фан страна, откако под палката на младиот стратег, синобелите успеа да бидат лидери во второлигашкото источно друштво и да обезбедат камбек во елитата.

„Им благодарам на претседателот на клубот и управата за укажаната доверба и наредната сезона да останам на оваа позиција.Оваа прилика ќе ја искористам јавно да упатам честитки до сите мои фудбалери за влезот во Прва лига, и да им изразам голема благодарност затоа што неуморно, пожртвувано, посеветено и дисциплинирано, на секој тренинг и натпревар го даваа својот максимум,, стои во објавата на ФК Беласица пренесувајки ја изјавата на стратегот Ване Милков

Како што е напишано, Милков со своите колеги и фудбалери ќе се обидат синобелите да ги задржат во елитата

,,Во моментот можам да ветам само една работа. Јас и мојот стручен штаб ќе дадеме се од себе за ФК Беласица овојпат да остане во елитата. Ќе го вложиме целиот наш труд, напор и знаење за да ја исполниме оваа цел“ рекол Милков за објавата на ФК Беласица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.