Валандовско Јосифово добива нова детска градинка по највисоки стандарди, ќе има капацитет од 50 деца (фото)

1330

Министерството за труд и социјална политика започна постапка на системот за јавни набавки за избор на градежна фирма, за изградба на нова детска градинка во Јосифово, општина Валандово.  Детската градинка ќе биде со капацитет за згрижување на 50 деца, со можност за проширување и предвидено е да биде направена по највисоки стандарди за грижа на деца и исполнети сите услови за енергетско ефикасен објект.

Во претходниот период, во општина Валандово беше изградена нова детска градинка во Бојмискиот реон, целосно беше реконструирана централната детска градинка во Валандово и претворена во енергетско ефикасен објект, а беа реконструирани делови и од останатите клонови на детската градинка “Калинка” по останатите населени места. Во наредниот период, предвидено е проширување и подобрување на условите во детската градинка во Пирава и продолжување на интензитетот на инвестирање во подобри услови на детска заштита во општината.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.