Тимот на КМФ Проект од валандовско Јосифово и официјално е новиот Шампион на Македонија во футсал. Ова е прва титула за клубот кој сезонава ќе дебитира и на европската сцена во квалификациите од Лигата на Шампиони во ова натпреварување. Валандовскиот состав без пораз ја заврши првенствената сезона во која постигнаа дури 149 гола
,, Ова е успех за сите нас во клубот кои дадовме се од себе во ова првенство да ја освоиме титулата. Секако тоа ќе биде мотив повеќе да се покажеме во вистиснко светло и на европската сцена. Самите статистички податоци дека од првото до послендото коло бевме на првото место и сме тим со најмногу постигнати голови кажува дека вистински се изборивме за титулата’’ , ни изјави иван Гавровски од клубот
МКФ Проект со освоената титула се стекнува и со право за настап во квалификациите од Лигата на Шампиони во футсал. Истите ќе се играат во Август а во Јули МКФ Проект ќе ги дознае противниците во група каде влегуваат како аутсајдери. Паралелно се пријавија и како домаќини на мечевите квалификационата група
,,Сакаме да ви ветиме дека во квалификациите за Лигата на Шампиони ќе се потрудиме да ја претставиме Македонија во најдобро светло,а доколку биде дозволено присуство на публика повелете заедно да ја испишеме оваа страна на историјата,, објавија од клубот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
