Браќата Гошевски од Валандово со поддршка од Програмата за рурален развој произведуваат органски сок од калинки

724

Министерот за земјоделство, шумарство и водостопанство Љупчо Николовски, заедно со директорот на Агенцијата за финансиска поддршка во земјоделството и руралниот развој Никица Бачовски, беа во посета на млади земјоделци- браќата Душко и Ристе Гошевски од Валандово. Тие се основачи на „Кувет“, семеен бренд на органски производи од Валандово. Тие се добитници на грант за млади земјоделци во вредност до 20.000 евра, а средствата ги имаат вложено во набавка на нова производствена линија со која започнале произвoдство на органски сок од калника.

На денешнaта средба, министерот Николовски и директорот Бачовски им го врачија решението за исплата, со кое се рефундираат трошоците направени за набавка на опремата за производство на сок од калинка. Освен сокот од калинки, браќата Гошевски од Валандово под брендот „Кувет“  произведуваат и ракија од калинка, ракија од јапонско јаболко, намаз од маслинка и други производи.

,,Поддршката која ја даваме на младите земјоделци преку овие грантови е значајна, ги мотивираме и им помагаме да започнат свој бизнис во земјоделскиот сектор. Овие мерки даваат ефект, па се повеќе расте бројот на млади земјоделци од година во година. Преку Програмата за рурален развој, им помагаме на младите земјоделци со два гранта, еден до 10.000 евра преку мерката 112 „Поддршка за младите земјоделци да започнат со земјоделска дејност“ и вториот грант до 20.000 евра преку мерката 113 „Поддршка на младите земјоделци за потикнување на земјоделското производство“, соопштија од МЗШВ

За двете мерки аплицирале 370 млади лица, од нив грантот веќе го реализирале 168 апликанти, од кои 118 за грант до 20.000 евра и 50 апликанти за грантот до 10.000 евра. Вкупната финансиска поддршка за досега исплатени грантови изнесува 112 милиони денари.Агенцијата за финансиска поддршка во земјоделството и руралниот развој во 2021 година склучи договори за финансиска поддршка со 265 млади земјоделци како поддршка за поттикнување на земјоделското производство по принцип на грантирање од 100% на направените прифатливи трошоци.

,,Преку ваквите инвестиции добиваме нови македонски брендови на преработки од овошје кои ќе се пласираат на домашните и странските пазари,, стои во информацијата од МЗШВ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.