Брачен пар од Мокриево почина во сообраќајка на излезот од Колешино

12010

Брачен пар од струмичко Мокриево починале на лице место откако попладнево со патничко моторно возило излетале од патот во Колешино и завршиле во околниот канал. Несреќата се случила на излезот од селото најверојатно заради неприлагодена брзина а во извлекување на телата морале да интервенираат и екипа на струмичката противпожарна единица.

,,Денеска (20.11.2022) во 14.10 часот во Полициската станица Струмица било пријавено дека во село Колешино, струмичко, Т.Н.(70) од село Мокриево, струмичко, управувајки патничкo возило “пасат” со струмички регистарски ознаки, изгубил контрола и излетал надвор од патот. На местото на несреќата лекар од Итна медицинска помош Струмица констатирал смрт кај возачот и сопатничката Н.Н.(69) од село Мокриево,, информираше СВР Струмица.

Населеното место Мокриево овој викенд ќе го памети по трагични настани, откако синоќа на локалниот патен правец Ново Село – Мокриево исто така излета патничко моторно возило при што почина 38 годишен жител од ова село а други две беа повредени.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.