Министерстовото за транспорт и врски за десетина дена ќе го распише третиот оглас за распределба на социјалните станови во Струмица откако беа поништени претходните два заради некомплетна документација на апликантите но и заради проширување на опфатот на лица од социјален ризик за кои се наменети. Вака соопшти денеска министерот Благој Бочварски откако пред 2 години целосно беше изградена социјалната зграда во Струмица и стојат нераспределени 37 станови
,,И во претходниот период имаше неколку обиди да бидат распределени становите од оваа социјална зграда на граѓани на кои тоа им е најпотребно, но биле неуспешни заради повеќе причини. Но, денес повторно имаме формирано комисија којашто работи на распишување на новиот оглас и моите очекувања се дека за десетина денови ќе биде распишан повикот на кој ќе можат да се пријавуваат сите граѓани од Општина Струмица на кои им е потребен покрив над глава,, рече Бочварски
Министерот прецизираше дека за социјалните станови во Струмица може да аплицираат само лицата од социјален ризик од ова општина но не и од останатите рурални Василево Босилово и Ново Село, иако социјално ранливите лица од истите се водат под меѓуопштинскито центар за социјални работи во Струмица. Тој најави дека треба да се разработува моделот и помалите општини да имаат можност за изградба на социјални станови, но тоа мора да се прави во координација со градоначалниците и центрите за социјална работа
Првиот оглас за распределба на овие станови беше објавен во февруари минатата година додека вториот во февруари годинава.Зградата со социјални станови е лоцирана на ул. „Ѓорѓи Василев“ во Струмица и има 41 стан, од нив четири веќе се доделени на Министерството за труд и социјална политика на лица со посебни потреби кои со процесот на деинституционализација од Заводот во Банско се сместија во ова зграда
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
