Богданчани одлучија, грантот од 50 000 франци да се потрошат за сообраќајна сигнализација за поголема безбедност

861

Учесниците на Форумскиот процес во Богданци во рамките на проектот „Зајакнување на општинските совети“ одлучија грантот од 50 илјади швајцарски франци одбезбеден од  Швајцарската Агенција за развој и соработка да биде наменет за поставување на сообраќајна вертикална и хоризонтална сигнализација за „Безбеден граѓанин – Среќен граѓанин“. Токму овој проект доби најмногу поддршка од учесниците кои низ целиот процес предлагаа идеи, разработуваа концепти и гласаа за што да се потрошат парите што општина Богданци ги доби за учество на граѓаните, во креирање на локални политики нa еден транспарентен процес каде самите тие одлучуваат.

Според информациите, проектот предвидува поставување на сообраќајна хоризонтална и вертикална сигнализација во над 20 улици, преградни бариери пред училиштата и градинката, подобрување на пристапноста на тротоарите за мајки со деца во колички, за повозрасните и лицата со попречености и обележување на паркинзи. Со истиот се очекува Богданци да добие урбано сообраќајно решение, во функција на поголема безбедноста на граѓаните кои во неколку наврати доставуваа петиции до локалните власти.

Паралелно во соработка со Републичкиот совет за безбедност во сообраќајот планирана е кампања за едукација на учениците и другите категории на граѓани за поголема безбедност во сообраќајот при движењето на пешаците, велосипедистите и возилата.

Инаку на форумскиот процес, богданчани предложија швајцарскиот гранд да биде наменет за опремување и партерно уредување на Дом на култура Стојаково, за отварање на медијатеки и опремување на кабинети по природни науки во училиштата но и за подигање на спортско – рекреативни катчиња. Но при гласањето проектот „Безбеден граѓанин – Среќен граѓанин“ или поставување хоризонатална и вертикална сигнализација во Богданци доби најмногу гласови.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.