Беласица извлече бод во дуелот со Борец, поведе преку Каланоски а се спаси од пораз со гол на Сулев (видео)

154

Струмичка Беласица го освои и вториот бод во првенството откако на свој терен одигра нерешено со Борец од Велес кој според играта го сакаше целиот плен во Струмица но избраниците на Шефки Арифовски не го дозволија тоа. Со многу возбудувања, пресврти, жолти картони на двете страни и по два гола во мрежите на Беласица и Борец заврши мечот во Струмица

Борец ја сакаше победата уште во првото полувреме. Ги притиснаа домаќините но немаа реализација. Казната стигна во финишот кога над Каланоски беше направен прекршок кој по сугестија на помошникот беше досуден пенал иако првично судијата Младеновски досуди жолт картон заради симулација. Каланоски пеналот го претвори во водство а веќе следната минута  можеше да донесе водство од 2:0

Во вторите 45 минути Борец повторно притисна. До израмнвуање дојде во 59 минута кога Ристовски усепа да го надмудри голманот Силјановски а 10 минути подоцна и капитенот на велешани Прелчец со глава донесе радост и  2:1 за својот тим. Но две минути подоцна по асистенција на Каланоски, Сулев го израмни резултатот откако несфатливо Борец потфрли во одбраната.

Вториот струмички прволигаш Академија Пандев претрпе пораз на гостувањето кај Македонија ГП со 3:1. Следното коло двата струмички прволигаши Академија Пандев и Беласица го играт првото меѓусебно дерби.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.