Беласица загуби во првата контролка, стратегот Ѓоре Јовановски ги тестираше младите

281

Струмичка Беласица ги почна контролните средби за пролетниот дел од шампионатот. На теренот со вештачка трева денес одиграа пријателски меч со второлигашот Тиквеш од Кавадарци од кој претрпеа пораз од 3:2. И додека гостите играа со првиот состав, стратегот на синобелите Ѓоре Јовановски во овој меч им даде шанса на младите но и дел од фудбалерите кои се дојдени на проба за да го облечат дресот на Беласица.

Како што дознаваме целта на Јовановски била да ја виде подготвеноста на потенцијалните играчи кои претендираат да бидат дел од првиот соства на синобелиот табор, кој пролетва ќе се бори да обезбеди  опстанок во елитата. Во мечот воопшто не настапиле новодојденците односно играчите кои потпишаа договор со ФК Беласица, туку Ѓоре Јовановски играше со подмладокот на Беласица за да може да увиди на кој ќе може да смета за пролетниот циклус

Гостите од Кавадарци во првото полувреме поведоа со 3:0 по автоголот на Спасов и головите на браќата Петар и Благоја Љамчевски . Во второто полувреме кога имаше и комбинаторики и во гостинскиот табор Коцев и Радојчиќ намалија на 3:2.

Инаку ФК Беласица договори повеќе контролни средби со екипи од земајва и странство. Веќе на 23 според планот треба да ги одмерат силите  со Плачковица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.