Бакар од рудникот Боров дол ќе се експлоатира идната година и со транспортна лента таа ќе се пренесува во Бучим. Целиот процес ќе биде безбеден и рудникот кој ќе биде со површински коп нема да има негативно влијание врз животната средина. Вака најави менаџментот на Бучим чиј работен век ќе биде продолжен за 20-тина години.
„Инвестиција е околу 50 милиони евра, таа е инвестиција која треба да се реализира до мај – јуни 2020, тоа е отворен коп од кој ќе се вади рудата“ – изјави Николајчо Николов, директор во Бучим.
Од компанијата истакнуваат дека мора да се менува законската регулатива за концесиски надоместок бидејки Боров дол се наоѓа на тромеѓето на општините Конче, Штип и Радовиш со цел распределба на средствата што Бучим ќе треба да ги плаќа на општините. Сепак е јасно дека Конче ќе добива најмногу од концесијата
„Конче е две третини, една третина Штип и нешто малку Радовиш. Првпат три општини да користат една концесија“ – кажа Николов.