Ангов од Словенија ја засили струмичка Беласица, официјална промоција утре против Тиквеш на стадионот Благој Истатов

1237

Второлигашот Беласица кој ова сезона се стреми да направи камбек во фудбалската елита се засили со името на Дејан Ангов. Станува збор за 22 годишен фудбалер кој потекнува од населеното место Сушица а веќе долги години живее во Словенија каде има настапувано за повеќе клубови.

Ангов кој има играно и за македонската репрезентација до 19 години, во ФК Беласица доаѓа од ФК Декани кој се натпреварува во словенечката Втора лига а пред тоа играл и за тимовите на ФК Копер и ФК Анкаран.

„Дејан игра во средината на теренот а со неговиот квалитет и искуство ќе биде одлично засилување за нашата екипа“, напишаа од ФК Беласица на нивната официјална Фејсбук страница.

Ангов своја официјална промоција пред струмичани ќе има на утрешниот пријателски меч против Тиквеш од Кавадарци еден од главните конкуренти за првото место во Втората лига Исток. Мечот Беласица-Тиквеш се игра на стадионот ,,Благој Истатов’’ со почеток во 13 часот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.