АМС го прогласи Горан Пандев за спортист на Македонија за 2020

299

Капитенот на македонската фудбалска репрезентација Горан Пандев е прогласен за спортсит на Македонија за 2020 години. Ова признание му го додели Агенцијата за млади и спорт која вечерва на свечена церемонија ги прогласи најуспешните македонски спортисти за минатата година.

,,Жал ми е што не можам да присуствувам на оваа прекрасна вечер. Голема благодарност за наградата, која е заслуга на сите во репрезентацијата, а за мене ќе биде поттик да продолжам да го носам репрезентативниот дрес, што за мене е светост“, порача Пандев во видео врската од Италија, кој вечерва стана третиот фудбалер во историјата на македонскиот фудбал, на кого му е врачена наградата спортист на годината

Во отсуство на Горан Пандев, наградата за најдобар спортист, премиерот Зоран Заев, ја врачи на братот на капитенот на репрезентацијата, Сашко Пандев.

Добитници на наградите по категории се:

Најдобра млада спортистка: Магдалена Божиновска (карате)

Најдобар млад спортист: Роберто Ацковски (карате)

Најуспешен спортист за лица со инвалидитет: Владимир Тркаљанов (шах)

Најуспешен национален тим: Македонската фудбалска репрезентација

Најуспешен тренер/селектор: Игор Ангеловски (селектор на македонската фудбалска репрезентација)

Најуспешна федерација: Фудбалската федерација на Македонија

Најдобра спортистка: Вероника Костовска (карате)

Најдобар спортист: Горан Пандев (фудбал).

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.