Активистите против рудници ги собраа потписите за независни советнички листи во Струмица, Босилово и Ново Село

138

Активистите против изградба на рудници од струмичко влегуваат во трка за освојување на советнички места во општините Струмица, Босилово и Ново Село. На локалните избори на 17 октомври тие ќе настапат како независни советнички листи ,, Стига е – Фронт против рудникот и загадувачите на животната средина’’ со цел институционално да се спротистават на идејата за отворање рудник кај Иловица.  Носител на независната листа ,, Стига е’’ за Струмица е Ѓорѓи Танушев, за општина Босилово Стојан Велков – Трн а за  Ново Село Костадин Ристоманов. Тие се едни од водечкте и најгласни активисти во борбата против рудник на планината Огражден. На листите освен членови на Здрава котлина се најдоа и граѓани кои се подржувачи на граѓанскиот активизам но и реалните заложбо за здрава животна средина.

Иницијативата  за собирање потиписи за независни граѓански листи во Струмица, Босилово и Ново Село ја ја достави ,,Здрава Котлина’’ во четвроткот. Тие синоќа објавија дека потребните потписи за да се официјализира нивната листа, се собрани. Потсетија дека тие не се никаква продолжена рака на партиите, туку независни граѓански листи со цел да се отстранат партиските директиви но и да се подигне свеста кај јавноста за граѓанскиот активизам. Здрава Котлина подвлече дека со евентуалнтоо влегување на советите не значи дека ке престанат со блокади, маршеви и протести против изградба на руника кај Иловица.

,, Нашата борба преку ,,Стига е!’’ е различан од партиската. Нашата борба не е за политичка превласт и седнување во фотеља. Преку овој потег отпорот против рудникот и загадувачите се проширува и на институционално ниво. Меѓутоа тоа не значи дека ќе престанеме со нашиот активизам преку протести, блоакди, маршеви и се што е потребно да се спречи потенцијалниот масовен убиец на нашата природа. Нашите заложби се во насока на менување на досегашните закоравени и зачмаени гледишта во однос на заштитата и зачувување на природата,, објави Здрава Котлина

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.