Активистите од Спас за Валандово со акција за собирање прехрамбени и хигиенски производи за да им помогнат на загрозените сограѓани

1823

Активистите од коалицијата ,,Спас за Валандово’’ почнаа голема солидарна акција за собирање хигиенски производи и храна со цел да се направат хуманитарни пакети кои ќе бидат поделени на најранливите и социјално загрозените семејства во општина Валандово. Акцијата е да се подаде рака и помош на тие што немаат во услови кога цел свет се соочува со пандемија од вирусот КОВИД 19.

,, Ги повикуваме сите општествено одговорни компании и граѓани да се приклучат во акцијата за помош на нашите сограѓани кои поради рестриктивните мерки, кризата, настанатата вонредна состојба и полицискиот час кој е воведен неможат да си ги дозволат основните продукти за преживување,, стои во апелот на активистите

Собирањето на донациите ќе биде на повеќе локации. Главен пункт за донации во град Валандово ќе биде Legioner Cafe Bar секој работен ден од 10:00 до 14:00 часот.Во населено место Пирава пунктови за оставање донации се Маркет Ангор Комерц и продавница Алмак Доо. За населено место Јосифово вашите донации може да ги оставите во Маркет Родико. За населено место Удово донациите ќе се собираат во продавница ВИК-МАР.За населените места од Бојмискиот регион, Брајковци, Балинци, Марвинци и Грчиште донациите ќе се остават во продавниците на ЕМПИ-Компани.

,,Помошта за најранливите и социјално загрозените наши сограѓани е потребна веднаш. Време е да ја покажеме нашата општествена одговорност’’ апелираат од Спас за Валандово

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.