Актерите во Струмица со протестен перформанс побараа оставка од министерката Ирена Стефоска

216

Струмичките актери по повод светскиот ден на театарот пред НУЦК Антон Панов одиграа фрагменти од повеќе театарски престави, ја прочитаа светската и македоснката театарска порака но побараа и оставка од министерката за култура Ирена Стефоска. Оставката ја побараа бидејки сметат дека министерката е виновна за поставениот директор на струмичката културна институција за чиј избор веќе со месеци реагираат

Министерката не придонесе културата да ѝ се врати на самата фела. Менаџерското и уметничко раководство, како и креирањето на политиката на куќата, мора да бидат во рацете на професионалци и компетентни кадри. Министерката се стави во одбрана на партизацијата и корупцијата и не ги почитува ниту стратешките принципи на министерството, ниту професионалните, ниту етичките начела, затоа бараме итна и неотповиклива оставка на функцијатa,, кажа Оливера Аризанова Монсбарт актерка

Тие сметат дека културата треба да се остави надвор од политиката и партиските назначувања доколку се сака да се развива и унапредува културниот живот во земјава

,, Наместо ослободување на институциите во културата од политичко влијание, министерката спроведува најгруба политичко-партиска окупација на инситуциите од културата. Министерката не смееше да избира и да поставува  некомпетентни директори на институциите од културата, па бил тоа избор и на самиот Премиер. Изборот на директори уште понагласено продолжува да се прави по партиски клуч и тоа не се однесува само на НУЦК “Антон Панов ”  Струмица,, кажа Аризанова Монсбарт

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.