ФК Академија Пандев го има најскапиот играч во македонскиот шампионат, расте вредноста и на други шест играчи

853

Најдобриот стрелец во македонскиот фудбалски шампионат, играчот на ФК Академија Пандев – Мартин Мирчевски е најскапиот играч во домашното првенство. Неговата вредност на фудбалскиот пазар по завршувањето на есенскиот дел од шампионатот  скокна на фантастични 800 илјади евра што е три пати повеќе по рангирањето од мај кога го носеше дресот на ФК Вардар. Вака оцени порталот transfermarkt кој контуинирано ги вреднува фудбалерите, меѓу кои и играчите кои настапуваат во Прва фудбалска лига на Македонија.

24 годишниот Mартин Мирчевски во дресот на ФК Академија Пандев постигна фантастични 16 гола и тој го носи епитетот за најдобар голгетер во македонското прволигашко првенство. Тој во струмичкиот прволигаш дојде за време на летниот период

Според овој портал, расте вредноста уште на шест други играчи кои го носат дресот на ФК Академија Пандев и тоа на Коста Манев, Фарук Бихорац, Николче Шаркоски, Сава Радич, Адис Хаџановиќ и на Оусман Маронг.

ФК Академија Пандев предводен од Александар Васоски, есенскиот дел од првенството го заврши на втората позиција со вкупно 35 бода, 7 помалку од лидерот Шкупи а еден повеќе од третопласираната Шкендија. На своето конто струмичани  запишаа 10 победи 5 нерешени резултати и 3 пораза. Постигна 28 а примија 18 гола во 18 те првенствени натпревари од Првата лига.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.