Kонтроли на СВР Струмица за брзо возење и непрописно престигнување – изречени 40 тина казни

358

СВР Струмица изминативе денови спроведе две акциски контроли по патитшата и улиците на подрачјето кое го покрива како Сектор. Контролите иле во делот на брзината со која се управуваат моторните возила но и дали возачите вршат прописно престигнување и обиколување во сообраќајот. Според информациите кои доаѓаат од СВР Струмица, по овие два основа изречени се вкупно 29 казни од кои 14 за брзо возење со моторни возила.

Како што соопштуваат од СВР Струмица во понеделникот во периодот од 15:00 до 19:00 часот на подрачјето била спроведена акциска контрола за откривање на прекршоци кои ги прават возачите управувајки возила со брзина поголема од дозволената.

,,При контролата се констатирани четиринаесет прекршока, за кои се издадени четиринаесет прекршочни платни налога” стои во информацијата.

Во вторникот пак во периодот од 09:00 до 14:00 часот на подрачјето на Секторот за внатрешни работи Струмица е спроведена акциска контрола за откривање на прекршоци кои ги прават возачите кои вршат непрописно престигнување и обиколување.

,,При контролата се констатирани седум прекршока поврзани со истата, за кои се издадени седум прекршочни платни налога, како и осум други прекршока, за кои се издадени осум прекршочни и мандатни платни налози”, стои во информацијата од СВР Струмица од каде најавуваат дека акциските контроли ќе продолжат и во иднина

И вчера 15 мај  на подрачјето на Секторот за внатрешни работи Струмица е спроведена акциска контрола за откривање на возачи кои управуваат возила со брзина поголема од дозволената. При контролата се констатирани дванаесет прекршока, за кои се издадени дванаесет прекршочни платни налога.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.