Турци сакаат да градат ветерници кај Гевгелија доставиле барања до државните институции

1423

Турци сакаат да градат ветерен парк  на територијата на општините Гевгелија и Демир Капија. Преку својата фирма ,, Калтурн Енерџи” доставиле известување за својата намера до Министерството за животна средина и просторно планирање и Управата за животна средина. Седум од ветерниците се планирани да бидат изградени во општина Демир Капија, а три во општина Гевгелија.

,,Проектот за изградба на Ветерен парк „Дрен“ ќе даде придонес за зголемување на учеството на обновливите извори на енергија во влупното производство на електрична енергија, стои во известувањето доставено до македонските надлежни институции кои со проектот планираат поставување на инсталации за искористување на силата на ветерот, заради производство на енергија

За реализација на проектот ќе бидат ангажирани фирми и работници за изградба, транспорт и одржување на ветерните електрани. Проектниот менаџер при турската инвестиција Калтурн енерџи, Хусеин Зејнулах информира дека веќе имаат позитивен одговор од Министерството за животна средина, а се направени и контакти во двете општини.

Општина Гевгелија веќе изврши измени и дополнувања на Програмата за комунален надомест, вклучувајЌи ги ветерниците, бидејќи средствата за комунален надомест за трите ветерници, кои ќе бидат изградени на територијата на општина Гевгелија, ќе се слеат во општинскиот буџет.

Во земјава фунцкионира ветерниот парк Богданци каде беше најавено дека ќе се инсталираат уште четири ветерни турбини со средствата од КХВ банка.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.