Најмногу жалби до Советот на етика во медиумите за пласирање неточни и непроверени вести, најмногу од интернет порталите

1178

,,Забележуваме извесни промени во начинот на кој информираат медиумите на подобро но сеуште тие не се ослобдени од одредени влијанија. Затоа треба да се работи на целосно  почитување на нормите и правилата на новинарската професија, оти најголемиот дел не го почитуваат кодексот на новинарството и објавуваат неточни и непроверени информации  што се коси со член 1 од Кодескот на новинарите’’, вака истакна извршниот директор на Советот на етика во медиумите, Марина Тунева на денешната дебата на тема “За медиумската саморегулација – предности, предизвици и состојби“ што се оддржа во Струмица а на која беа присутни преставници од повеќе медиуми, институции и граѓански организации.

Како што беше истакнато, лани дури 60 одсто од поднесените преставки и жалби до СЕММ се однесуваат токму на кршење на членот 1 од Кодексот на новинарите кои мора да објавуваат точни и проверени информации и да имаат најмалку два или повеке неповрзани извори за одредена вест конкретно факти и аргументи. Околу 34 одсто од преставките се однесуваат на тоа што новинарите не праваат разлика меѓу фактите и мислења па со веста и коментираат, со што јавноста добива погрешна перцепција. 31 одсто од жалбите се однесуваат што новинарите не ја негуваат културата на говорот и етиката и како новинари имаат непримерна комуникација со јавноста а преставки и жалби имало за говор на омраза, непочитување на приватноста на личноста, непочитување на религиозните и верските различности но и за плагијаторство.

Од СЕММ апелираа до сите граѓани, медиумски работници, граѓански организации кои сметат дека одделен медиум известува непрофесионално и неетички може слободно да реагираат со поднесување преставка односно жалба на овој линк до Советот на етика која ќе биде разгледена од Комисијата за жалби.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.