Секторот за внатрешни работи Струмица преку Отсекот за превенција во партнерство со Републичкиот совет за безбедност на сообраќајот на патиштата и општинскиот совет преку превентивна акциска контрола го одбележа Светскиот ден на сеќавање на жртвите од сообраќајни незгоди поделувајќи флаери на учесниците во сообраќајот под слоганот: Време е! Разбуди ја свеста и кажи СТОП за смртта на патиштата.
Во државата во просек околу 150 до 160 лица годишно го губат животот во сообраќајни несреќи што значи едно лице на секои два до три дена. Статистиката покажува дека секоја година околу 6 200 лица се повредени во сообраќајни незгоди .
Минатата година во земјава животот го загубиле 133 лица а 5 860 лица биле сериозно повредени во сообраќајки на патиштата и улиците во земјава. Од таа причина полицијата и Републичкиот совет постојано апелираат – Вози одговорно .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
