Џио Струмица со 3:1 во сетови оди во Кичево по КУП финале – ја надигра Шутова во меч со 20 минутен прекин

962

Одбојкарите на Џио Струмица забележаа победа од 3:1 во сетови против Шутова од Кичево во првиот полуфинален меч од одбојкарскиот КУП на Македонија. За пласман во финалето од ова натпреварување, струмичани ќе мора на реванш мечот  во Кичево да освојат најмалку два сета.

Џио Струмица одигра перфектно. Покажа дека нема лесно да се откаже од тронот во македонската одбојка. Тргнаа фуриозно. Четата на Кире Ричлиев: Михаилов, Николов, Илиев, Наков, Урдов, Ричлиеви ги редеше поените и со 25:21 поведоа со 1:0. Идентично беше и во вториот сетпа поведоа со 2:0.

Во третиот сет гостите од Кичево ги стегнаа своите редови и не дозволија лесна победа на струмичани. Се играше на разлика, па Шутова со 28:26 намали на 2:1. Во четвртиот сет струмичани почнаа офанзивно и направија огромна предност 12:6. Но тогаш се случи прекин откако натерен се случи вербална расправија и налетаа одбојкарите од двата табора

По прекинот струмичани само го потврдија епитетот дека се подобри од гостинот и со 25:13 забележаа победа од 3:1. За седум дена е реванш полуфиналниот меч каде ќе се дознае кој ќе биде патникот во финалето од КУПОТ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.