Извлечени се двојките во полуфиналето од Купот на Македонија во одбојка во машка конкуренција. Ждрепката посака Џио Струмица да се сретне со Шутова од Кичево, според многумина двата најдобри одбојкарски тима во моментов во државата. Според ждрепката првиот меч ќе се игра во Струмица и тоа веќе во среда идната недела, додека патникот во големото финале ќе се дознае во Кичево по реваншот.
Кичевчани од ОФМ побарале полуфиналниот меч да не се игра во салата Партизан. Според нив, ова сала ги немала потребните услови за одигрување на еден важен натпревар. Така да сеуште не се знае каде ќе се одигра натпреварот Дали тоа ќе биде салата Партизан или салата на СОУ ,, Димитар Влахов”. ОК Џио Струмица инсистира првиот полуфинален меч со Шутова да го игра во матичната сала – Партизан.
Џио Струмица и Шутова во втората фаза од Шампионатот двапати се сретнаа. Во Партизан славеа струмичани со 3:1 додека во Кичево, Шутова славеше со 3:0. Одтука сите сметаат дека победникот од овој меч ќе ја крене Куп титулата
Во вториот полуфинален меч во машка конуренција ќе се сретнат тимовите на Вардар од Скопје и Универзитет Тетово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
