Џио Струмица вечерва си одлучува за шампионско финале, им треба победа против полетниот Вардар

680

Вечерва во спортската сала Парк во Струмица се игра мајсторката од полуфиналниот плеј офф меѓу Џио Струмица и Вардар. Двата тима ја искористија предноста од домашен терен. Струмичани пред една недела во сала Парк славеа со 3:1 во сетови, додека Вардар на свој терен во Скопје со убедливи 3:0 во сетови.  Вечерва двата тима ја бараат втората победа во меѓусебната плеј офф пресметка, за  пласман во финалната серија за освојување на шампионската титула.

Вардар се покажа како незгоден противник и во Струмица а уште повеќе во Скопје. Во Струмица постојано играше егал па дури ,,украде’’ сет а во Скопје ја имаа целата доминација. Ова укажува дека вечерва нема да биде ни најмалку лесно за избраниците на Кире Ричлиев кои ќе мора да го дадат максимумот оти полетниот Вардар може да ги остави  струмичани со надежите за седма титула

Мечот Џио Струмица – Вардар се игра вечерва во 19 часот во салата Парк, по што ќе се дознае кој е вториот финалист, имајки во предвид дека Шутова од Кичево веќе се спрема за финалната серија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.