Џио Струмица без конкуренција, се поблиску да ја одбрани титулата !

186

Актуелниот Шампион Џио Струмица го надигра и второпласираниот тим на Универзитет Тетово и се поблиску е да ја одбрани титулата од лидерската позиција. Судејки по двата воведни меча од втората фаза, избраниците на Кире Ричлиев дефинитивно се без конкуренција и се на добар пат повторно да го кренат шампионскиот пехар.

Струмичките сино бели и против Шутова од Кичево и против тетовчани покажаа далеку поквалитетна одбојкарска игра во сите сегменти не потклекнувајки на фактот што сите останати одбојкарски прволигаши осетно се засилија за вториот дел од сезоната. Сега на испит е и скопски Вардар кој во есенскиот дел претрпе пораз.

Според учинокот струмичани дефинитивно ќе останат на лидерската позиција од која ќе атакуваат на одбрана на титулата.Според пропозициите најдобрите шест екипи од есенскиот дел меѓусебе разигруваат за пласман во Топ 4 кои ќе играат за шампионскиот пехар.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.