Ќе се обидеме да ја подобриме и опремата и подготвеноста за да одговорите на предизвиците, им кажа градоначалникот Јаневски на струмичките пожарникари

323

Со показна вежба за брзо извлекување на повредени лица заглавени  во моторно возило во сообраќајка, струмичките пожарникари го одбележаа 20-ти мај  Денот на пожарникарите. Вежбата ја реализираа со новата опрема што ја добија од македонската Влада и Дирекцијата за заштита и спасување вредна 25 илјади евра. Првиот човек на Струмица честитајки им го Денот, истакна дека како општина ќе смогнат сили да им помогнат на пожарникарите за подобра опрема и подобра подготвеност за да се соочат со секојдневните предизвици

,,Во општина Струмица имате соработник, ние сме ваши партнери и заеднички треба да се избориме за сите ваши права и ве поддржувам во вашите акции, желби и настојувања и ќе се обидеме со сите можни сили да ја подобриме и опремата и вашата подготвеност за да одговорите на сите предизвици кои што претстојат пред нас. Јас се надевам дека такви моменти ќе има што помалку, а повеќе ќе работиме на превентивата, ќе ги едуцираме нашите граѓани за што помалку да имате прилики да интервенирате’’, рече градоначалникот Јаневски.

Командирот на ТППЕ Струмица Александар Гудев подвлече дека како единица се подготвени да одговорат на предизвиците.

,,За илустрација на нашиот секојдневен ангажман зборува и бројката од 670 интервенции во периодот од 20 мај лани до денеска. Сето тоа ни дава за право да кажам дека ние сме подоготвени во секој момент да одговориме на задачите и успешно да ја извршуваме нашата мисија“ – рече комадирот Гудев, кој на локални и државни институции им додели плакети за успешна соработка. Плакети добија и пожарникари кои 30 години непрекинато работат во ТППЕ Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.