Фото – Надежите на Академија Пандев најдобри во генерацијата 2006 на Пандев КУП 2019

869

Младите надежи на Академија Пандев родени 2006 година го освоија Пандев КУПОТ во својата конкуренција. Второто место во ова генерација на млади фудбалери, го освоија децата на Е.Н.Е. Битола додека трети беа надежите на прилепска Победа. Во ова конкуренција фудбалери родени 2006 за најдобар играч на турнирот беше избран Филип Митев од ФК Академија Пандев, додека наградата за најдобар голман ја доби Дарио Велески од екипата на Е.Н.Е Битола

Во генерација 2007 најдобри беа децата од Пелистер, втори беа Работнички трети пак Еуроспорт. Во ова конкуренција за најдобар играч  беше избран Дарко Димитровски, а најдобар голман Александар Балев. Децата на ФК Вардар беа најдобри во генерацијата 2008, втори беа Талент од Битола додека трети децата од Академија Пандев. Најдобар играч во оваа генерација беше Матео Ќесич од редовите на ФК Вардар, додека најдобар голман Лука Грчевски исто така од екипата на ФК Вардар.

На Пандев Куп 2019 учествуваа над 1500 дечиња од 8 до 12 години и мечевите се играа на терените во Струмица и Дојран . На вториот по ред Пандев Куп учествуваа над 70 екипи од Македонија, Србија, Бугарија.

Турнирот Пандев Куп 2019 беше поддржан од Фудбалската Федерација на Македонија, Агенцијата за млади и спорт како и општина Струмица и општина Дојран. Честитки за сите учесници што настапија на најмасовниот турнир како и за прикажаната игра на фудбалските терени. Веќе ова лето На Пандев Куп 2019 ќе земат учество 96 екипи од повеќе земји во повозрасни категории.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.