Филипче објави дека во земјава за последните 24 часа има дури 52 новозаразени од КОВИД-19 а починале 4 лица

1235

Во последните 24 часа направени се 661 тестирање, а регистрирани се 52 нови случаи на заразени со вирусот КОВИД-19, објави министерот за здравство Венко Филипче кој не ја исклучи можноста за локален карантин по општини. Според евиденцијата најмногу новозаболени има во Скопје 26, во Куманово 6, во Штип 7, во Тетово се регистрирани нови 9 заразени лица а во Струга 2 и во Велес и Кочани по едно лице.

Во последните 24 часа починаа 4 лица и тоа на Клиниката за инфективни болести и фебрилни состојби починаа двајца пациенти, пациент од Скопје (73г), примен на клиниката на 21 мај и пациент од Велес (82г) хоспитализиран на 22 мај. Во ГОБ „8 септември“ почина пациентка од Скопје (76г) примена на 21 мај и пациентка од Тетово (55г) примена на 27 мај.

Денеска Институтот за јавно здравје регистрира 30 оздравени пациенти.

Вкупната бројка на ковид дијагностицирани во нашата земја од почетокот на епидемијата изнесува 2129, бројката на оздравени пациенти е 1516, на починати е 126, а во моментов бројот на активни случаи во земјата изнесува 487.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.