Туристичките потенцијали и капацитети на Струмица презентирани на саемот за туризам Б-Травел во Шпанија

493

Претставници на општина Струмица предводени од Претседателот на Советот Марјан Даскаловски ги презентирале туристичките потенцијали и капацитети со кои располага општината на меѓународниот саем за туризам „Б-Травел“ 2019 во Барселона, Шпанија, информираа од општината.  Презентацијата била дел од проектот  „Промоција на туризмот и културата“ – ToCulter кој го спроведува Струмица во соработка со Струга.

Според веста од општината,  делегацијата од Струмица остварила голем број на состаноци и средби со менаџери, високи претставници на меѓународни тур-оператори, компании и организации за поддршка на туризмот, асоцијации и агенции,  со кои се разговарало за можноста за организирање на туристички пакети за Струмица и струмичкиот микро-регион, а со тоа и на државата

Општинските преставници од Струмица ги споделиле добрите практики и искуства со посебен осврт на руралниот туризам, алтернативните форми на туризам, културно-историското наследство, како и практикување на спортски активности, презентирајки ја општината како неоткриена туристичка дестинација.

На меѓународниот саем за туризам „Б-Травел“ 2019 во Барселона Шпанија имало изложувачи од 60 држави кои ги претставиле своите производи и услуги во повеќе од 20 сектори од областа на туризмот во текот на тридневниот саем, информираа од општината

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.