Три од три за Наковски Волеј – како гости го надиграа и Виктори а Струмица Ж. стаса до втората победа

929

Одбојкарките на Наковски Волеј дефинитивно и ова сезона имаат високи амбиции ако се суди по почетните три кола. Три натпревари три победи. По славјето во Скопје кај Јанта Волеј и победата над новајлијата Струмица Жени, избраничките на Хари Наковски и Александар Митев го надиграа и тимот на Виктори Волеј. Во преполентата салата Партизан славеа со 3:0 (25:20, 25:15, 25:20) со што останаа на врвот од прволигашката табела без пораз и само еден изгубен сет.

Наковски Волеј беше посигурен во локалното дерби со Виктори Волеј, Домаќинките направија доста грешки во клучните моменти што ги искористија ,,наковки’’ кои одиграа поубедливо и знаеа како да ги привршуваат сетовите во своја корист

Победа забележаа и одбојкарките на Струмица Жени кои со вториот состав беше подобар од тетовски Бамикор во салата Парк. Без многу возбудувања избраничките на Вера Божијанова Димитриевска и Атанас Милев имаа контрола на играта и резултатот за убедливи 3:0 (25:14, 25:22, 25:20) со што стасаа до втората победа по онаа над Виктори од 3:2 од пред две недели. Македонија Макс му гостува на Вардар Жени

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.