Струмички Астраион не знае за пораз, убедливо го ,,соши’’ и штипски Текстилец во Првата лига

360

Ракометарите на Астраион од Струмица ја забележаа и петата победа во прволигашкото ракометно првенство и без пораз се зацврстија на лидерската позиција во Групата 1 каде се натпреваруваат вкупно 9 екипи. Струмичани последни во својата низа го совладаа и штипски Текстилец со 31:21 на кого уште во првите минути од мечот му го земаа ,,кројот’’ за нова победа

Ракометарите од Струмица од минута во минута го полнеа голот на штипскиот состав. На полувреме разлиакта беше  плус 6 – 15:9 а на крајот од мечот разликата беше плус 10 иако стручниот штаб на РК Астраион, Пандев, Пецанов дозволија да се разиграт и ракометарите од т.н. втор состав

Митко Караиванов со 7 гола беше најефикасен. По 4 постигнаа Иванчо Ончев и Васко Наков, по три гола реализираа Филип Кавазов, Јован Спасов и Ѓорги Касапов. Во листата на стрелци се запишаа и Миливој Котевски, Дарко Катранџиев и Христијан Ефитмов кои постигнаа по 2 гола а погоди и Димитар Гонев.

За истакнување беше и голманското трио Мартин Перовановиќ кој имаше 9 одбрани, Кире Димовски 6 и младиот Александар Гоџиров кој имаше две одбрани

Следното коло Астраион кој е на првото место со 5 победи и еден нерешне исход му гостува на Вардар Неготино.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.