Струмичките прволигаши поразени-А. Пандев дома од Шкупи, Беласица во гости од Шкендија

198

Струмичките фудбалски прволигаши потфрлија во 21 коло од Првата фудбалска лига. Пандевци надиграни и поразени на стадионот Младост во Струмица, синобелите кај лидерот Шкендија. Првите со два додека Беласица со три примени гола. Таков е епилогот од мечевите што ги одиграа избраниците на Југослав Тренчовски и Раде Цицмиловиќ

Академија Пандев на Младост одигра лошо и анемично, без конретни идеи и акции да се загрози противникот. Сето тоа го искористи Шкупи кои славеше со 2:0 и ги однесе трите бода за освестување на ,,пандевци,, дека треба да се игра без потценување. Со овој пораз А. Пандев се врати повторно на третата позиција а следното коло му гостуваат на Работнички а претходно ќе мора да се одработи и првиот полуфинален меч од Купот

Беласица имаше тешко гостување .Шкендија беше преголем залак за синобелите кои мора што побрзо да излезат од резултатската криза. Поразот од 3:0 во Тетово можеби беше очекуван но синобелите ќе мора да бидат внимателни во секој меч ако се сака да се зачува прволигашкиот статус. Следното коло дома против Вардар

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.