Струмичани може да гледат три нови бугарски телевизии преку кабловска за вести, спорт и туризам

616

Три бугарски телевизии со различна програмска содржина од денеска се присутни во македонскиот медиумски простор. Дозволата за емитување во земјава ја добиле пред две недели, а во моментов може да се гледаат на територијата на Општина Струмица преку кабелскиот оператор Нет кабел. Во преговори се и со останатите локални кабелски оператори за емитување преку нивната мрежа на територијата на целата држава објави државната новинска агенција МИА

Станува збор за ТВ Европа, првата бугарска телевизија за вести, Велнес ТВ, првата бугарска и европска велнес телевизија посветена на спорт, здрава исхрана и развојот на децата и ТВ туризам, телевизија која нуди информации за туристичките понуди и дестинации објави МИА пренесувајки изјави од трите телевизии  кои влегуваат во македонскиот медиумски простор

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.