Струмица добива повеќенаменски социјален центар во зграда од касарната, реновирана со пари од соседна Бугарија

676

Со средства од Бугарија во висина од 138 илјади евра реконструирана е зграда од струмичката касарна која ќе биде повеќенаменски социјален центар каде граѓанските организации чија целна група се лицата со посебни потреби и различности ќе можат да ги реализираат своите програмски активности.  Министерката за надворешни на Бугарија Екатарина Захариева заедно градоначалникот на Струмица Коста Јаневски го посетија центарот кој допрва треба да се опремува.

И Захариева и Јаневски го изразија задоволството што за кус временски период се реконструираше објектот од три ката каде има повеќе канцеларии но и простории каде лицата со посебни потреби ќе имат можност да креираат, творат, се дружат и со своите активности бидат дел од општеството. Сега на ред е опремувањето на центарот по што ќе се знае методологијата кој се од граѓанските организации ќе добијат свои простории во овој центар.

Бугарија како членка на ЕУ најмногу средства има издвоено токму Вашата држава со цел зајакнување на мегусоседските односи кажа Захариева . Таа подвлече дека само ова година се финансирани проекти во Струмица, Охрид, Скопје и Крива паланка од околу  500 илјади евра. Инаку Бугарија минатата година на Струмица и донираше специјално возило за транспрот на лица со посебни потреби во ова општина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.