Се спремаат 14 улици за асфалтирање во општина Василево, ќе се работи и на локални патишта

598

Денвовие во повеќе населени места во општина Василево, ќе се асфалтираат улици со средства обезбедени од сопствениот Буџет. На терен се вршат подготвителните работи, за да се пристапи кон поставување на асфалтен слој. Според годишната програма за изградба на локални патишта и улици, ќе се асфалтираат 14 улици во 8 населени места, објавија од општината. Веќе интензивно се работи на порамнување и тампонирање на улицата што води до селската црква во Седларци, која беше во незавидна состојба.

,,Оваа улица ќе биде реализирана со средства од Буџетот на општина Василево. Оваа е една од вкупно 14 те улици што ќе бидат асфалтирани од општинскиот буџет и тоа во населените места Седларци, Ангелци, Градошорци, Василево, Пиперево, Доброшинци, Сушево, Висока Маала,, објавија од општина Василево

Од таму потенцираат дека се обезбедени средства од Владата и за асфалтирање на локални патишта за кои завршени се јавните набавки за избор на изведувачи.

,,Деновиве завршија и јавните набавки за асфалтирање на локалниот пат Нова Маала-Чанаклија во должина од 2 км, реконструкција на локалниот пат Ново Владевци-Сушево во должина од околу 2 км, изградба на улица во населеното место Добрашинци во должина од 420 метри, изградба на улица во Василево од пошта до црква долга 240 метри и во наредните денови компаниите ќе отпочнат со нивна реализација,, информираше градоначалникот Марјан Јанев.

Инаку во ова општина во тек е јавни набавки за избор на изведувач за изградба на улица во Нова Маала од црква до резервоар и реконструкција на локалниот пат према брана Турија во должина од околу 800 метри.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.