Расте интересот за учество на струмичкиот полумаратон – се пријавуваат и рекреативци и професионалци и спортисти и музичари…

542

Повеќе од 300 учесници се пријавиле на вториот полумаратон ,,Струмица на улица’’- СОФ 2019 кој ќе се одржи на 9 јуни  со почеток во 19 часот по струмичките улици а ќе се трча на 5, 10 и 21 километар. Организаторите информираа дека според пријавите во недела на полумаратонот ќе трчат од  рекреативци до професионалци, но и актери, музичари, спортисти, млади лица и повозрасни како и амбасадори, политичари и вработени од повеќе компании кои со настапот ќе упатат порака за спортување и дружење иако официјалниот список не е затворен и сеуште има време да се пријават сите заинтересирани за настап на ова манифестација со која започнува СОФ 2019.

Адријана Поп Арсова, Билјана Кираџиева, Дарио Ивановски, Атанас Анчевски Александар Кираџиев, Игор Јакимовски, Дејан Атанасов, Жан Тосев, Мирјана Ристиќ се дел од имињата кои ќе трчаат на најдолгата делница од 21 километар иако на листата има и други имиња како и гости од Врање – Србија но и од Азимут спротската Академија од Бугарија

Како што веќе информиравме на полумаратонот ќе трчат и придружните вокали а Тамара, Александра Јанева и Васил Гарванлиев, фудбалерот, Александар Милушев потоа Александар Трлин,  Валентина Узунова од Богданиц, Тоше Анчев од Гевгелија  Столе Ангеловски, Кире Нистров, Никола Полизовски од Струмица, Радица Лазаровска, Петар Христов, Драги Чавдаров, Костадин Мартинов…

„Ќе бидеме дел од Полумаратон „Струмица на улица“ – СОФ 2019 затоа што нашите седум шампионски титули започнаа со трчање. Нека и вашите започнат така. Трчај – не застанувај!“, Бојан и Горан, ОК „ЏИО“ 

Причината поради која трчаме сите не е да се победиме еден со друг, туку да бидеме еден до друг! #СеГледамеНаУлица“, Дино Захов, ФК „Шкендија“

Полумаратонот е во организација на ЗСК ,,Југисток’’ и здружението ,,Културен забавен живот’’ со кој ќе стартува годинашново издание на Струмица опен фест а зад кој застана АМС и ЕУ а за најуспешните ќе има и парични награди како во машка така и во женска конкуренција. Пријавувањето за полумаратнот ќе трае до 5-ти јуни до полноќ на следниов ЛИНК .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.