Радовишкото комунално ,,Плаваја” од Ињево најави организирано собирање на отпадот од сите населени места во општината

454

Јавното комунално претпријатие „Плаваја“ од Радовиш почна да врши организирано собирање и депонирање на комуналниот отпад од населените места од ова општина. Почнаа од населеното место Ињево со поставување десетина метални контејнери на повеќе локации во селото каде жителите ќе можат да го депонираат комуналниот отпад. Општинските власти системот на организирано собирање и депонирање на комуналниот отпад по населените места го промовираа со еколошка акција во која се вклучи и првиот човек на Радовиш Герасим Конзулов

„ Според донесената одлука, смет ќе се собира од сите населени места, а пилот проектот стартува од Ињево со 10 контејнери распоредени на повеќе локации во селото. Акцијата што ја спроведовме е за подигање на еколошката свеста кај граѓаните. Планирано е да организираме вакви еколошки акции и во останатите населени места во општината, затоа апелирам до сите месни заедници да се пријават “изјави градоначалникот Герасим Конзулов.

Се расчистуваа повеќе диви депонии од атарот на селото. Се спроведе во соработа со месната заедница на селото со цел да се подигне еколошката свест кај населението.Претседателот на Советот најави и дополнителна поддршка на Плаваја

„спремни да донесеме и дополнителни мерки и финансиска поддршка за јавното препријатие да може оваа акција да се реализира во сите рурални населени места. За прв пат по можеби пеесет години се реализира ваков проект и ние ќе дадеме поттик на граѓаните за решавање на пробелмите со дивите депонии.“- вели Чаракчиев.

Пред неколку месеци токму во Ињево се организираше еко акција под мотото ,,Не биди ѓубре,, каде младите  го собираа расфрланиот отпад во населеното место од несовесни граѓани.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.