Радовишките спортисти лути на советниците и го бојкотираа Изборот на спортист

96

Манифестацијата Избор на спортист на општина Радовиш не се одржа бидејки спортските работници и спортисти од ова општина, најавија дека нема да учествуваат во знак на револт што Советот не ја донесе одлуката за одобрување средства за спортските клубови и здруженија за ова година. Изборот требаше да се случи во четвртокот, но спортистите најавија дека ќе го бојкотираат.

Имено во средата Советот на општина Радовиш кога требаше да донесе одлука и за распределба на средства за спортските клубови и здруженија заглави и не ја одржа седницата бидејки советниците од ВМРО ДПМНЕ, двајцата независни и еден од редовите на СДСМ ја напуштија по завршувањето на советничките прашања. На тој начин не се донесе никаква одлука вклучувајки ја и таа за распределба на парите за  спортските клубови.

Сето тоа предизвика револт кај спортските работници кои на средбата со градоначалникот Герасим Конзулов му ги пренесоа разочарувањата и најавија дека нема да бидат дел од манифестацијата Избор на спортист, бидејки народните избраници не донеле одлука коjа требаше да биде во функција на локалниот спорт.

Засега нема најава кога ќе се одржи Изборот и дали ќе биде донесена одлуката за распределба на средства од Буџетот на општина Струмица за радовишките спортски клубови.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.