По пат на јавно наддавање, државата ќе продава седум нови станови во Гевгелија

1370

АД за изградба и стопанисување со стамбен и деловен простор, идниот месец ќе продава седум стана на улицата ,,Гевгелиски Партизански одреди,, во Гевгелија кои се наоѓаат на втори и трети кат. Становите се со корисна површина од околу  49, 84 и 107 метри квадратни. Продажбата на државните станови ќе одат по пат на јавно наддавање а почетната цена по метар квадратен изнесува 550 евра. Наддавањето ќе се врши по минимум едно евро од метар квадратен. Паралелно сите станови имаат и подруми кои се со површина од три до пет метри квадратни

Заинтересираните кои сакаат да купат стан од АД за изградба и стопанисување со стамбен и деловен простор, треба да поднесат пријава за јавно наддавање најдоцна до 1 април до работната единица на АД која се наоѓа на булевар ,,Маршал Тито’’ бр. 124 во Гевгелија, додека јавното наддавање ќе биде на 4 април во подружницата во Струмица

Заинтересираните физички и правни лица поднесуваат Пријава за учество на јавното наддавање, согласно условите од Огласот, во затворен плик со назнака „не отварај“ адресирана до Комисијата за усно позитивно јавно наддавање со уплатен депозит од 60 илјади денари. Повеќе за огласот за државните станови во Гевгелија на следниов линк

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.