Почнува карневалската треска во Струмица – големото дефиле во сабота

203

Утре првиот човек на општина Струмица Коста Јаневски се очекува да ги предаде клучевите на Струмица на челните луѓе на градскиот комитет на ФЕКК организатори на струмичкиот карневал. На тој начин ќе стартуваат седумдневните карневалски денови во Струмица кој се очекува и ова година да биде балканското Рио.

Во четврток ќе бидат наградени творбите од конкурсот на струмичката библиотека на тема карневал а ќе биде отворена и изложбата на најдобрите карневалски фотографии, додека музичкото училиште Боро Џони ќе одржи концерт под маски.

Личовски и Исмаилов со најдобри фотографии од Струмичкиот карневал 2018

Во петокот ќе бидат маскенбалот каде ќе се избира принцот и принцезата а во сабота ќе биде големото дефиле од струмичкиот карневал, каде што организаторите очекуваат над 1500 учесници во дефилето. Најавени се и карневалски групи од Германија, Хрватска, Турција, Бугарија, Албанија, Србија и Црна Гора но и групи од земјава.

Во недела ќе биде детскиот карневал а од понеделник почнуваат тримерските празнувања. Ќе се дели бел посен грав во понедленикот кога ќе се доделуваат и наградите з анајдобри афоризми и карикатури а во вторник ќе се знаат кои се најдобрите маски годинава

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.