Почна распределбата на корпите за отпад за домакинства во Струмица, Комуналец почна да ги дели по населените места

625

Струмички Комуналец почна со распределбата на набавените 8 илјади и  500 корпи за отпад за домакинства кои живеат во индивидуални стамбени објекти. Први добија домакинствата од населените места  Баница, Водача и Велјуса а веќе во понеделник садови за сместување на семејниот отпад ќе добијат и  домаќинствата во Добрејци, Просениково и Дабиље. Станува збор за корпи  за комунален отпад со зелена боја со зафатнина од 120 литри. Истите се делат бесплатно а како што најавија од Комуналец ќе има за домаќинствата како во градот така и по селата.

„Важно е да напоменеме дека кантите ќе се делат бесплатно и истите ќе бидат на товар на ЈПКД „Комуналец“ и Општина Струмица. До граѓаните апелираме на домаќинско користење на кантите за отпад. Исто да напоменам дека секоја друга канта за отпад освен овие кои ќе бидат поделени, нема да се подигаат. Aцијата ќе продолжи во текот на цел месец август, каде ќе бидат поделени сите 8500 канти и ќе бидат опфатени сите населени места, како и градот Струмица“ – вели Бранко Ѓоргиев, раководител на Одделението „Комунална хигиена“ при ЈПКД „Комуналец“.

За набавката на корпите за отпад, општина Струмица и „Комуналец“ потрошија околу 8 милиони денари. Со распределбата на истите се очекува значително да се подобри хигиената, како во градот така и во населените места, бидејки во моментот, металните канти се дотраени и нефункционални.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.