Почна да тече вода од новиот водоснабдителен систем во Гевгелија, водата е квалитетна и здрава, вели градоначалникот Поцков

148

,,Сакам да ја известам јавноста: дека од денес во водоводната мрежа на регионалниот водовод во Гевгелија тече вода за пиење од новиот водоснабдителен систем. Со тоа од денес сите граѓани пијат здрава и квалитетна вода,, истакна градоначалникот на Гевгелија Сашо Поцков кој истакна дека според анализите од Институтот за јавно здравје водата воопшто нема арсен и одговара на законските и стручните параметри за квалитетот на водата

Во моментов од бунарите во Мрзенска Ада се испумпуваат 180 литри вода во секунда. При најповолна хидролошка состојба, овие бунари имаат капацитет да испумпуваат 210 литри вода во секунда.Тоа значи дека се обезбедени доволни количества на вода за граѓаните на општина Гевгелија, како и за жителите од населните места Селемли и Стојаково, во општина Богданци.Новиот резервоар на Мрзенски рид, е со капацитет од 1000 кубика вода, која се слева во водоводната мрежа во Гевгелија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.