Поради пожарите се воведува забрана за движење во шума, за непочитување – казни и до 2000 евра

498

Поради појавата на шумски пожари се воведува забрана за движење во шума и шумско земјиште . Забраната започнува да важи од 29.03.2019 година и ќе трае се до нејзино отповикување и  не важи за вработените во ЈП “Национални шуми“
и субјектите кои управуваат со заштитените подрачја .За непочитување на оваа забрана на физички лица кои се затекнати да се движат во шума и шумско земјиште,  ќе им се изрече глоба од 1.500 до 2.000 евра во денарска противвредност.

Исто така се забранува палење на стрништа, плевел и други растителни отпадоци во ловиштата, како превентивна мерка за заштита на шумски пожари.
За непочитување на одредбите од Законот за ловството  се предвидува глоба во износ од 1500 до 3000 евра во денарска противвредност за прекршок на физичко лице

Забраната ја спроведуваат вработените од ЈП Национални шуми, субјектите кои управуваат со заштитените подрачја од сите категории кои вршат дејност заштита, МВР, Шумска Полиција, Државниот инспекторат за шумарство и ловство, Државниот инспекторат за животна средина и други инспекторати до слична надлежност.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.