Пандевци со пораз дебитираа во фудбалска Европа, Зрински убедлив – видео од головите

358

Академија Пандев со пораз дебитираше на фудбалската евросцена. На националната арена Тодор Проески во Скопје, пандевци беа совладани со убедливи 3:0 од Зрински од Босна и Херцеговина кој ја оправда фаворитската улога. Струмичани многу лесно дозволуваа продор на гостите пред нивниот шеснаесетникот а многу тешко доаѓаа до  шут за гол. Во таква игра Зрински ги искористи речиси сите шанси и си обезбеди огромна предност пред реваншот за недела дена. Стратегот Југослав Тренчовски  потврди дека одиграле лош натпревар

„Одигравме навистина лош натпревар во кој бевме инфериорни на физички план. Примивме многу брзо погодок и потоа едноставно беше тешко да се вратиме во игра. Но, мора да се истакне дека за сите нас, вклучувајќи ме и мене, ова е едно ново искуство затоа што не е исто да се игра на европската сцена и на домашната. Дел од вината за ваков пораз припишувам и на мене затоа што можеби, кога сега ќе се погледне, погрешив околу изборот на првите 11. Сепак, останува на реваншот да го поправиме впечатокот. Верувам дека во Мостар ќе одиграме далеку поквалитетен натпревар“

Еве ги головите на Зрински преку Хаџиќ, Мандиќ и Говедарица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.