Општина Василево асфалтираше две улици во населеното место Градашорци, деновиве ќе се асфалтира во Седларци, Добрашинци…

116

Во рамките на годинашнава програма за изградба и реконструкција на локални патишта и улици, општина Василево продолжи со асфалтирање на улици по населените места. Откако пред една седмица беше асфалтирана улица во Ангелци, денеска преку фирмата изведувач асфалтирани се две улици во населеното место Градашорци. Едната е во должина од 180 а другата од 120 метри. Истите се со ширина од 3,5 до 4,0 метри која варира во зависност од условите на терен.

Вкупниот буџет за двете улици изнесува околу 1 400 000 денари односно околу 650 000 денари за улицата од 120 метри и околу 750 000 денари за улицата од 180 метри.Средствата се обезбедени од општинскиот буџет. 

Реализацијата на Програмата за локални патишта и улица, согласно динамичкиот план продолжува и во наредниот период. Следна за асфалтирање е улицата во населеното место Седларци, по што следуваат и останатите од планираните, односно улици во населените места Доброшинци, Нова Маала, Сушево, Висока Маала, Василево и Пиперево.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.