Опомени за тужби за ФБ статуси – Еуромакс бара да не се лаже за рудникот

129

Членови од здружението ,,Здрава котлина” од Струмица добија опомени пред тужби од компанијата ,,Еуромакс ресурсис” за изнесени ставови на своите фб профили од пред еден месец. Станува збор за активисти кои се против изградба на рудникот кај Иловица и постојано се активни на социјалните мрежи изнесувајки ставови со кои сметаат дека во овој земјоделски регион не е потребен рудник. Деновиве на нивните адреси стасале опомени од адвокатското друштво на компанијата со кои побарале да се извинат за иснесените ставови во спротивно ќе добиат тужби.

,, Опомените ги сметаме како притисок да не замолчат .Се што сме кажале на нашите фб профили се дел од нивните студии, така што ако ние ширеме дезинформации тогаш и тие ја манипулриаат јавноста, бидејки нашите ставови ги влечиме од нивните јавно достапни документи и студии. Ова е класичен начин на заплашување. Тие удираат во сржта на оние луге кои најмногу се запознаени и контуинирано кажуваат за штетноста на рудникот” изјави Стојан Велков Трн активист кој доби опомена пред тужба.

Од ,,Еруомакс ресорсис” истакнуваат дека активистите на социјалните мрежи шират невистини и дезинформации со кои и се нарушува угледот на компанијата која котира на светски берзи и затоа побарале да се извинатбидејки се што кажале било неаргументирано

,,Еуромакс Ресоурцес ја известува јавноста дека согласно Законот за граѓанска одговорност за навреда и клевета побара од одредени поединци да се извинат за паушалните и манипулативни изјави кои ниту се поткрепени со факти ниту со експертско мислење. Истите беа објавени на социјалните медиуми со цел да наштетат на реномето на Еуромакс, како и на проектот Иловица – Штука, а со тоа и врз вредноста на акциите на компанијата, која котира на берзата во Торонто”, стои во соопштението од компанијата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.