Од утре нови две вакцини за бебињата и дечињата – ротавирус и пневмокок влегуваат во календарот за имунизација !

345

Од утре во календарот за имунизација во земјава влегуваат две нови вакцини за бебињата и дечињата. Станува збор за вакцините ротавирус и пневмокока. Ротавирус со која ќе се превенира при стомачни и цревни инфективни заболувања и Пневмокока вакцината за спречување на респритарните заболувања. Ова го истакна Катерина Ставриќ директорка на детскатата клиника од Скопје на конгресот на педијатри што се одржа во Струмица а еден од акцентите беше ставен на редовна вакцинација на малите деца и бебињата како инвестиција за здрави генерации.

Според Стравриќ, светските анализи покажуваат дека овие две вакцини покажуваат значително намалување на инфективните заболувања кај најмладите пред се при хоспитализациите.

„Анализите покажуваат дека со воведување на ротавирус вакцината драстично или за деведесет отсто се намалува гастроентероколитот кај бебиња и мали деца, а пневмококната вакцина до деведесет отсто ги намалува инвазивните пневмококни болести, кои се тешки и бараат хоспитализација, а до шеесет отсто тешките пневмонии и аутити. Тие делуваат превентивно, што значи помалку антибиотици за децата“ , рече директорката на Клиниката за детски болести во оставка Катерина Ставриќ.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.