Одбојкарите на ,,Џио’’ ги дознаа противниците за Балканскиот Куп кој ќе се игра во Струмица во септември

508

Македонскиот одбојкарски шампион Џио Струмица кој пријави учество во Балканскиот КУП ги дозна противниците за ова турнирско натпреварување кое според планот треба да се одржи при крајот на септември во спортската сала Парк во Струмица. Според информациите на Дрнка.МК за Балканскиот КУП се пријавиле вкупно пет екипи од Србија, Косово, Турција, Босна и Македонија а одговорните за овој КУП ја прифатиле понудата Струмица да биде домаќин

Освен тимот на ,,Џио Струмица’’ во овој регионален КУП учество ќе земаат и екипите на ,,Млади Радник’’ од Пожаревац Србија,  ,,Токат’’ од Истанбул Турција ,,Борац’’ од Босна и Херцеговина и екипата на ,,Приштина’’ од Косово

Последниот викенд од месец септември е предвиден за ова натпреварување. Засега не се знае каков ќе биде системот на натпревари за Балканскиот КУП кој најдобриот ќе обезбеди учество во европското ЦЕВ Челенџ натпреварување.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.