Нови 38 лица позитивни на КОВИД-19 а тројца заболени починаа во последните 24 часа, објави Филипче

314

Во последните 24 часа направени се 560 тестирања, а регистрирани се 38 нови случаи со вирусот КОВИД-19, објави министерот за здравство Венко Филипче. Најмногу новозаразени има во Скопје 24, во Куманово и Штип има по 3 нови лица со коронавирус во Тетово 3, Неготино 2 и Битола 1.

Досега во земјата се направени вкупно 27023 тестирања на КОВИД -19. Од вкупниот број направени тестови во изминатото деноноќие 168 теста се во рамките на скринингот во градинки и геронтолошки установи. Тестирањата се направени преку Центрите за јавно здравје Куманово и Скопје и не се регистрирани позитивни случаи на ковид-19.

Вкупната бројка на ковид дијагностицирани во нашата земја од почетокот на епидемијата изнесува 2077, бројката на оздравени пациенти е 1486, на починати е 122, а во моментов бројот на активни случаи во земјата изнесува 469.

Во изминатите 24 часа починаа двајца пациенти од Тетово. На Клиниката за инфективни болести и фебрилни состојби почина 74 годишен пациент, лекуван на клиниката од 21 мај. Во ГОБ „8 септември“ почина пациент на возраст од 57 години, хоспитализиран на 23 мај. Од министерството за здравство  додаваат дека во Институтот за јавно здравје, од болницата „Ремедика“, за анализа е пристигнат постмортем брис на пациент од Скопје ( 53 години) и истиот е позитивен на КОВИД-19.

Денеска Институтот за јавно здравје регистрира 16 оздравени пациенти и тоа во Скопје 1, Куманово 1, Прилеп 4, Велес 9, Битола 1.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.